«Өлең – сөздің патшасы, сөз сарасы» атты, мұғалімдер арасындағы мәнерлеп оқу сайысы өтті
«Өлең – сөздің патшасы, сөз сарасы» атты, мұғалімдер арасындағы мәнерлеп оқу сайысы өтті.
Қиыннан қиыстырар ер данасы...
Абай Құнанбаев
Абай – туған халқының, болашақ ұрпақтың тәрбиешісі, ана тілінің, қазақ поэзиясының өсіп гүлденуіне зор үлес қосқан қамқоршысы.
Биыл Ұлы Абайдың 175-жылдығы халықаралық деңгейде атап өтіледі. Мектебімізде осы айтулы мерейтойға байланысты іс-шаралар басталып кетті. 20.01.2020ж. қазақ тілі мен әдебиеті ӘК, мұғалімдері жас мұғалімдер арасында «Өлең – сөздің патшасы, сөз сарасы» атты мектепішілік мәнерлеп оқу сайысын ұйымдастырып, өткізді.
Бұл іс-шараның мақсаты – қазақ халқының ұлы ақынының шығармашылығын насихаттау, қазақ әдебиетіне және қазақ ұлтының тарихына деген қызығушылықты жандандыру. Байқауға қатысушы – жас мұғалімдер сахына мәдениетін, орындау шеберлігін, әртістік қабілеттерін, ұлы қазақ ақынының шығармашылық ойына қаншалықты енгендігін көрсету керек болатын. Сайысқа әр түрлі пән мұғалімдері қатысты: Макадиева А.С. (қазақ тілі мен әдебиеті мұғалімі), Есентаева А.Ж. (бастауыш сынып мұғалімі), Мукушева А. (бастауыш сынып мұғалімі), Малшиева Б.А. (ағылшын тілі мұғалімі), Кабденова А.Н. (қазақ тілі мен әдебиеті мұғалімі), Кабдоллаева А.И. (қазақ тілі мен әдебиеті мұғалімі), Авилхан Х.А. (қазақ тілі мен әдебиеті мұғалімі), Борщина Е.С. (бастауыш сынып мұғалімі).
Әділ-қазы мүшелері: мектеп директоры Б.Т. Есенбердин, меңгеруші С.М. Бугаева, меңгеруші Н.Н. Ткачева, орыс тілі мен әдебиеті мұғалімі Е.В. Фомина, қазақ тілі мен әдебиеті мұғалімі Р.Н. Есенбердина жас ұстаздардың орындау шеберліктеріне, дауыс интонацияларына, киім үлгісіне, өлең жолдарын білулеріне, орындаудағы қандай да бір ерекшелікке, мимика, қимыл-қозғалыстарына, актерлік шеберліктеріне көп мән берді.
Ұстаздар Ұлы ақынның лирикалық өлеңдерін көп оқыды, мысалды айтқандары болды. Абай поэзиясы махаббат, сүю, сүйіспеншілікке толы поэзия. Ақынның қай туындысы болмасын, оның алтын арқаулы болып Адам тұрады, адамға деген махаббат тұрады. Ақын поэзиясында толық адам бейнесі тұрады. Ұстаздар соны жеткізе алды. Байқау нәтижесінде келесідей жеңімпаздар анықталды:
1 орын – Авилхан Хуанган Авилханқызы (қазақ тілі мен әдебиеті мұғалімі), Мукушева Айзат Нұролдановна (бастауыш сынып мұғалімі)
2 орын – Малшиева Баяна Алимбековна (ағылшын тілі мұғалімі)
3 орын – Кабдоллаева Аяужан Исламхановна (қазақ тілі мен әдебиеті мұғалімі). Қатысушы мұғалімдердің барлығына дерлік қатысқандары үшін мақтау қағаздары берілді. Іс-шара жақсы көңіл-күймен, жоғары деңгейде өтті. Ұстаздар тек қана өлең оқымай, Абай Құнанбайұлының бірнеше әнін де орындады: «Көзімнің қарасы», «Желсіз түнде жарық ай» және т.б.
Барлық жеңімпаздарды шын жүректен құттықтаймыз!!!
Адамгершілік пен даналық, махаббат пен зұлымдық туралы білгіңіз келсе, Абайды оқыңыз. Өлім мен өмір, адам жанының қырлары мен сырлары туралы білгіңіз келсе, Абайды оқыңыз.
Қазақ тілі мен әдебиеті ӘК жетекшісі Кабдоллаева А.И.
