«Абай- дана, Абай -дара»
18 қаңтарда, әдемі безендірілген № 6 кабинетте қазақ тілі мен әдебиеті ӘК Абай шығармаларын мәнерлеп оқудан мектепішілік байқау өткізді. Бұл іс-шараның мақсаты – қазақ халқының ұлы ақынының шығармашылығын насихаттау, қазақ әдебиетіне және қазақ ұлтының тарихына деген қызығушылықты оқушылардың бойларына сіңдіру. Абай Құнанбаевтың 175-жылдығына орай ұйымдастырылған байқау Ұлы ақынның қазақ әдебиетіне қосқан үлесін ұмытпауға шақырады. Оның шығармалары қазіргі таңда да өзекті, қазіргі заман жастарына қызықты.
Байқауға қатысушы – 2-9 сынып оқушылары сахына мәдениетін, орындау шеберлігін, әртістік қабілеттерін, ұлы қазақ ақынының шығармашылық ойына қаншалықты енгендігін көрсету керек болатын. Орындаушылар арасында түрлі байқауларға жиі қатысып, орын алып жүргендер болды (Шимолина Софья, Асланқызы Адема, Печуркина Ксения), сондай-ақ, алғаш рет мәнерлеп оқуға қатысып тұрғандар болды (Тоқтар Айғаным, Бәкеш Еламан, Яркова Кристина, Жумакаева Рамина). Әділ-қазыларға үздікті таңдауға оңай болған жоқ.
Бірінші болып жасы кіші топтағы қатысушылар – 2-4 сыныптар өнер көрсетті. Әрине, бәрі ойдағыдай бола қойған жоқ, кейбіреулері қобалжып сөздерін ұмытып қалды, бірақ кішкентайлар өздерінің сезімталдығымен, ақ көңілдерімен және өлеңді мәнерлеп оқуға тырысқандарымен таң қалдырды. Қатысушылардан Тоқтар Айғанымды (2Ә), Айтан Дильназды (3Ә), Петросян Артур (3А), Бәкеш Еламан (2Ә), Серікжан Сабираны (2Ә) атап өтуімізге болады.
5-7 сынып оқушылары әділ-қазыларға әртістік қабылеттерімен, Абай лирикасын қабылдауларымен, шығармаларды терең түсініп, жоғары деңгейде көркем орындауларымен ұнады. Сол себепті, өлең оқулары тамаша болды:
Қазақ мектебінде:
1-орын: Серік Инабат (5Ә)
2-орын: Елдосова Іңкәр (5Ә)
3-орын: Сергазина Назлы (5Ә)
Орыс мектебінде:
1-орын: Печуркина Ксения (6В), Резникова Вероника (7Б)
2-орын: Труспекова Алтынай (6В), Резникова Виктория (9В)
3-орын: Шарипова Полина (5А)