Рухани патриоттық тәрбие

Мектебімізде 1986 жылғы Желтоқсан оқиғасына қатысушылармен кездесу өтті.
Іс-шараның мақсаты оқушылардың рухани-патриоттық сезімін арттыру және отансүйгіштікке тәрбиелеу болып табылады.
Кездесуге ”Желтоқсан - 1986” ШҚО қоғамдық бірлестігінің төрағасы Маратбек Рамазанов, осы қоғамдық ұйымның мүшелері Асхат Белтаев және Еркін Абраимов қатысты.
Желтоқсан куәгерлері оқушыларға 1986-жылдың 16-17 желтоқсанында алаңда көзбен көрген естеліктерімен бөлісіп, оқушылардың сұрақтарына жауап берді.
Кездесу барысында оқушылар мен педагогтар қонақтарға арнап, Желтоқсан оқиғасы туралы көрініс қойып, ән айтты және рухты өлеңдер оқыды.
Кездесуді қорытындылай келе, мектеп директоры Бақытбек Есенбердин қонақтарға мазмұнды сұхбат үшін алғыс айтып, оқушы жастарды рухани-патриоттық тәрбиелеу ісіне қосқан үлесі үшін Алғыс хаттармен марапаттады.