«Оқушылардың құқықтық тәрбиесі»

Өскемен қаласындағы № 13 мектебінде оқушылардың судьялармен кездесуі өткізілді.
Іс-шараның мақсаты бала құқығын қорғау, оқушылар арасында құқықтық сауаттылықты арттыру болып табылады.
Кездесуге Өскемен қаласының әкімшілік құқық бұзушылықтар жөніндегі мамандандырылған сотының судьялары Ж.М. Нурсалинова және Н.Л. Бепеева, сонымен қатар аталған мектептің директоры Б.Т. Есенбердин, директордың тәрбие ісі жөніндегі орынбасары Ж.Т. Тұрсын және мектеп оқушылары қатысты.
Кездесу барысында спикерлер оқушылардың құқықтары мен міндеттері туралы заңнаманы түсіндіріп, оқушылар тарапынан қойылған сұрақтарға жауап берді.